「小馬，記住呢一樣嘢，好重要：
宇宙嘅秩序，係永遠不變，因為控制宇宙規「律」，並不是人，是「天」。
社會嘅秩序，係會變，因為係由「人」所控制。
江湖嘅秩序，係會變，因為係由「人」所控制。
「江湖」以前注重信，注重義嘅，叫「老江湖」；新嘅江湖，已經轉為注重勢力，注重利益喇。
因為「人」所控制得到嘅，都因人「變」而變。
人唯一「不變」嘅嘢，就只有「變」本身，明白嗎？」
「明白。。。師傅。」（答得有些少勉強）
* * * * * * * * *
豹子頭係「新江湖」，
「細佬，嗱，依家畀條路你行。我見你都仲有啲台型，夠資格跟我搵食，做大佬嘅我先肯收你做o靚。。你原有「公司」，我會同你「公司」傾掂佢，「老毛」大佬同你畀，我呢個大佬，你跟得過啦，畀足位你轉身。
你咪撚敬酒唔飲，飲罰酒喎。」
不過。。
白卓（雖然年輕）卻係依「老江湖」規矩行事，
「呢位豹哥，你嘅盛情厚意，小弟感激，不過「轉公司」一回事，一時三刻，唔係入錯一個門口，就咁決定，未免太兒戲喇。」
「哦，咁即係唔想同我做兄弟啦，兄弟（哈，oxymoron 呀），
你諗清楚喎。。做咗兄弟，你件嘢，都仲可以叫聲「義嫂」，哈哈。。如果無兄弟做，你今晚兩個嚟「踩場」，我哋就兩個都好好咁「招呼」。」
伍花聽到呢度，唔驚就係假，不過。。
哈，又一「江湖規矩」，就係「男人嘅事，女人唔好出聲」，伍花係知的。
「江湖兒女」，跟得一個男人，就要信得過嗰個男人；而做得人哋男人，就要挺死保護自己女人。
而依家，好明顯，豹子頭畀白卓嘅「路」，一係就「强」佢為自己嘅o靚，一係，就「强」佢條女。
又一鑊典型嘅「情義兩難全」啊！
好白卓，仍然臨危不亂，知道入到人個竇，真係「插翼難飛」，
打。。或者都有一兩件陪葬嘅，不過伍花點呀？
撻朵？。。試咗啦，仲畀人屈返轉頭自己玩嘢。
冷靜。。智取。。冷靜。。，
「豹哥，你今日榮升大喜，斷估，都係有實力之人，唔會喺自己地方，都仲用到人多蝦人少，唔配你「身份」喎，似返個大底，同我「隻抽」吖。」
白卓希望引豹子頭「隻抽」？哈哈哈，「老江湖」。（打贏豹子頭，係唯一逃出生天希望啊）
唉，同門兄弟爭女就「隻抽」，打「地下拳」就「隻抽」。。「新江湖」，「勝者為王」呀。
不過，豹子頭欣賞喎，
「哈，真係有啲腦喎。。」
豹子頭雖然好抽，不過。。白卓件頭有返咁上下，亦唔知佢個底有幾厚，貿貿然同佢「隻抽」，眾目睽睽，輸咗真係瘀到爆，即使贏，食白卓幾嘢，都唔會易哽。。最重要仲有一點。。「困獸鬥」呀。。會豁出去搏命㗎。
白卓一定連「霹靂狂龍」都用撚埋，挖眼，劈喉，咬耳仔，踢春袋，抆頭髮，乜撚都出齊。
但係，如果唔「隻抽」，哈，又已經畀白卓封咗後路呀。。無錯，可以無賴，但今日真係以新人王姿態上位，又有個咁勁嘅朵。。。
真正江湖大佬，其實真係要智勇雙存，唔係單靠「好抽」，否則，只有日日打架，由朝打到晩。
若果豹子頭，對住件百二磅，就梗係食滑佢，借佢嚟「表演」啦，不過對住件百七磅，六呎二。。。呵呵呵，平時都可以一句，
「你估依家拍「武俠片」呀，狄龍同陳觀泰？」
不過今晚，
「好，屌你老味，我就同你鬥.....智。」
豹子頭望向遠處台上，大叫一聲，
「馬夫雲（唔係馬如雲，條友做「馬夫」叫亞雲），同我搵兩件「靚女」，同呢位兄弟含撚，吹「爆」佢。」
之後再奸笑望向白卓，
「兄弟，你講得啱，今日係我榮升之喜，我亦唔同你斤斤計較，講打講殺，不過，「貴客」上門，我豹子頭話過「招呼」你。。依家，就先嚟兩件先。。哈哈哈哈。」
白卓遇上「豹子頭」，一個有勇有謀嘅新人王。。。豹子「頭」。。唔單止係「豹」，仲有「頭」腦啊，先前起勢咁「屈」白卓，都應該知佢就算做唔成「古惑仔」，都可以去做「律師」啦。。。屌。
No comments:
Post a Comment