「帶位」（係呀，我讀歷史書，話以前啲戲院有「帶位」㗎，做咗 research 㗎）帶兩人到座位，坐底咗一陣，小馬回頭一望。。奇景呀。
除咗有限量數目，衣著較為「貴氣」嘅「老闆級」坐喺「超等」位。。「後座」。。係完全無人坐嘅？
而先前一眾埋伏四周嘅「經驗打手」，已經佈滿「前座」。
「社會階級觀念」嗎？連睇咸片都劃清界線？
熒幕一開，戲院影堂一亮，亞偉一聲，
「郁！。。快啲！」
小馬心諗，都未開戲，告白先開始，未硬，郁乜鬼呀？
點知。。成棚十行「前座」，已經好似全部聽到亞偉只喺小馬耳邊嘅「號令」，一齊「郁」。
唔係，有啲直情喺亞偉未開聲之前，已經「郁」，亞偉見到，心有不甘，
「屌佢鹵味吖，咁撚矛？唔撚守「規矩」，偷步？」
薑，是老的辣。
加上小馬嘅猶豫，整個「前座」嘅觀眾，已經好有「秩序」咁移到「後座」（慳番兩皮），因為「人多勢眾」，戲院亦「唔敢」出聲，可知羣眾嘅力量，是何等可怕，尤其係。。或者某份報紙之下，可能真係藏起一把「孖人牌」嘅。。。精。。。鋼呀。
由細都唔鐘意同人爭嘢，玩親「音樂椅」都最快「出局」嘅小馬，最後，只可以坐後到「前座」後排。
當然，幾年後，呢啲「小動作」，已經唔使再做，小馬已經「榮升」坐到「老闆級」嘅「超等」，不過，懷緬自己初次同亞偉一齊「南征北討」，又係另一種情懷。
唔好以為小馬搵多咗錢，坐「超等」呀。。。
哈哈，而係賣飛亞嬸，原來有個外號，「油麻地戲院十三姨」已經畀小馬「搞掂」咗。。。還是「十三姨」搞掂咗小馬，則無從稽考喇。
* * * * * * * * * *
霍天行問，
「咁，你去時，「十三妹」仲有冇喺嗰度賣飛呀？」
「十三妹？」
「係呀，當年好靚㗎，到依家，應該都唔差得去邊。」
小馬笑，摸摸頭髮，
「唔差，一啲都唔差，拆咗啲「髪卷」，okay 㗎，哈哈。」
霍天行同樣回笑，
「Okay。。絕對 okay，哈哈。」
之後再加，
「咁，你明白到「油麻地戲院」嘅秩序。。咁「江湖」嘅秩序，你認為會係點呢，小馬？」
小馬開始明白，亦明白到師傅曾經教過自己嘅一句說話，
「葉至深秋自然落，人到境界自然明」
。。。。可惜，唔係每一個人都明，唔係每一個人，都知道戲院嘅「秩序」，特別係「午夜場」。
有人話，過咗十二點，就係我哋話事。
「午夜場」「秩序」「江湖」，因為有人唔明，成就咗一場「大悲劇」！！
不過，「大悲劇」於某一百人而言，首先，卻是一套「大咸片」，若干年後，啲「架仔 AV」，先抄橋化為「千人斬」。
。。。之後，再化為一套「恐怖片」。
男主角：白卓
女主角：伍花
其他配角：一百個古惑仔。
No comments:
Post a Comment