白卓望住對面枱，一個頂多大自己八年，絕對唔係上一輩嘅叔父，但是，又係佢老母嘅「朋友」，唔知稱呼佢做「天行叔」，又好似叫「老」咗人。。但叫佢「天行哥」，又好似唔夠尊重。
話哂，係自己老母話眼前呢「一個人」，可以幫佢隊冧一平友。
最後，開聲叫佢一聲，
「霍生你好。」
交出「閃咭」。
霍天行見到閃咭，就慢條斯理咁，除低面上嘅「李小龍式」太陽眼鏡。
睇真啲，連髪型都有啲似「李小龍」，些少「冬菇裝」，不過個樣，都係較似盧海翵，面上竟然有股「不可一世」嘅「傲氣」（沙麈）。
白卓心諗，「以一敵百？」
不過，霍天行就問，
「你點會有呢一張閃咭嘅？我從來無發過張閃咭畀你嗰喎，你叫乜名。」
「霍生，張閃咭係我家母叫我攞嚟搵你嘅，我叫白卓。」
「咁。。你老母？」
「我老母叫。。白琴。」
霍天行聽到「白琴」二字，都即時吞咗啖口水，面上，仲開始有啲紅，同熱。。。態度，亦改變埋，
「喔，琴姐？。。琴姐佢，無事吖嘛？」
「霍生有心，家母佢無事，今次嚟，係我有事相求。。」
「白。。喔。。卓賢弟，千其唔好咁講，嚟嚟嚟。。飲啖茶，有乜嘢事霍某可以效勞嘅，即管開聲，霍某一定做得到。」
雖然，霍天行禮貌已經完全改變，不過，嗰句「乜嘢事，一定做得到」。。有冇咁誇呀？
之下，白卓就將成件事，同所有資料，如盤托出。
知幾多，講幾多，由幾多歲戒片，幾多歲開始打飛機，都完完全全講哂畀霍天行知。
因為，霍天行「需要」知，一共用咗三個月，去了解，分析，步處，鍛練。
當年霍天行，剛過三十，（當年）外號「替天行道」，聽到白卓伍花慘事，就好熱心幫助白卓，又可警惡懲奸。
三個月內，霍天行發掘出白卓嘅天賦長處同短處，幫助，同鍛練佢將自己發揮出最强嘅一面。
三個月後，白卓成為咗「詠春」超級高手，無人能敵。
之後，白卓就先才講出，
「我依家可以去殺哂佢哋。」
霍天行，
「卓賢弟，乜你。。係要去殺哂佢哋。。咁「霸道」呀？」
「我都唔想，係佢哋迫我，當晚。。。
我亦應承過我女人。」
霍天行突然間執起枱上一支毛筆，筆起如鳳舞，
「白卓殺百人。
白頭人送黑頭人。」
之後就交畀白卓，
「卓賢弟，一切，都係天意，但是，若果可以，勢唔好去盡。。停喺九十九啦。」
~~~~~~~~~~~~~~~~~~~~~~~~~
再過多七個月，伍花生咗一個女，白卓不期然想到霍天行最後說話，幫個女改名為：
「彩虹」！
* 意思 * 以防萬一，希望「色彩」，能脫離「黑」與「白」。
No comments:
Post a Comment