小馬記得第一次喺「油麻地戲院」。。。屌，梗係亞偉帶佢去啦。
（乜撚嘢衰嘢，推撚哂到亞偉身上就可以喇）
因為小馬童年喺外國長大，好「純」㗎嘛，點會十多歲仔去戲院睇「咸戲」㗎，起碼。。都要有人帶過一次先啦。
所以，當第一次同亞偉到咗「油麻地戲院」外面，亞偉就同小馬講，
「嗱，我帶齊「架生」，教你路，呢鑊你畀錢。」
小馬望住亞偉格甩底挾咗兩份報紙，同拍一拍佢褲袋裏頭包十張袋「tampo」紙巾，再望望大堂中電影劇照，唔多夠理由屌亞偉「屈」佢畀錢，不過都要出句聲呻下，
「呢套都唔係「艾曼妞環游世界」。。係「滾紅滾綠滾到黑」呀。」
（小馬當時初到香港，仲未開始講粗口，若果唔係，每句之前，應該有加返個「屌」字，呢一番說話，因為亞偉就係咁講嘢嘅，十零歲，毛初生，特別愛用粗口顯得自己成熟）
「屌，我話咗上個星期嚟睇，係你扮撚哂蟹莫薑之嘛。。屌，算啦，套套一撚樣㗎咋，信我啦。」
「咁。。我。。第一次，想畀「艾曼妞」吖嘛，你睇。。「乜乜滾到黑」，一陣走個「黑」妹出嚟。。」
「屌，食唔到「西洋菜」，咪食「髪菜」囉，哈哈，買飛啦，開場喇。。。記住，兩張「前座」呀。。側邊呀。」
「前坐？點睇呀。。。我請你都咁慳，唔似你喎。」
「屌，一陣你就明，信我啦。如果唔係，乜嘢叫做「教路」喎。」
小馬到「售票處」，想盡量如平常一般。。平常一般咪，
「唔該兩張小童吖，噢，前坐嘅。」
頭髮圈住「卷髪膠卷」，嘴角含住支煙嘅亞嬸，望一望小馬，又再望一望小馬下身，之後，
（因為食指同手指公用咗去挾煙仔）
用「中指」指住一個「永久性」白木板，紅色字牌，
「「兒童不宜」呀！」
小馬先發覺自己「衰咗」，面上即時紅起，亞嬸嘴角一笑，好似覺得好有趣，眼珠左右一掃小馬背後見無人，
「兩張成人前坐係咪呀？」
小馬吞啖口水，
「係，兩張成人嘅前坐，唔該，仲要坐側邊。」
小馬攞到飛，交一張畀亞偉，亞偉分一份報紙畀小馬，
「紙巾入到去先畀你，仲未開呀，一陣你一見我郁，你就跟實我一齊郁。。跟貼啲呀。。知唔知呀，唔係一陣「散」到四圍都係就無辦法合返埋喇。」
小馬有點迷惘？？
「吓？」
「係呀，一陣會好多人一齊「郁」㗎，所以，我哋要「先下手為强」，知無？」
開始見到上一場嘅麻甩佬睇完出嚟嘞。。本來空空嘅戲院大堂，突然問，好似有人「吹銀鷄」咁浦哂頭，原來一眾新一批麻甩佬，早已「四面埋伏」，不過唔想咁早企喺大堂，驚畀熟人行過見到。
當中，仲有好多都係脇下一份報紙，如果唔係已經貌似中坑，仲以為係古惑仔把「孖人牌」嘅「刀鞘」，成班友預備開片。
其實，有報紙揸手嘅，都將會係「打手」，打嘅，當然係自己嘅「小賓賓」，呢班，都係有「公德心」「愛心」「親子之情」嘅「打手」，因為，唔通無報紙嘅麻甩佬，就唔打 J 嗎？
天下，只有黑色嘅烏鴉。
無報紙嘅，一樣會打，只不過有啲真係衰到由得啲「子孫」橫屍戲院滿地。
所以，「打手」就有兩種。
相信大家依家已經明白，戲院裏頭咁黑，份報紙，唔係要嚟睇嘅。。而係。。要嚟「用嘅」。
有份報紙，起碼有得遮下，射下，接返住，做一個有責任心，公德心嘅「打手」。
No comments:
Post a Comment