江湖事，江湖了。
白卓無報警，一來，「江湖規矩」囉，而另外一點，係白卓想親手討回自己心愛女人嘅公道。
承諾自己嘅說話，「我一定會替妳報仇」。
但係，大佬呀，嗰鑊真係好撚多人喎，就算，傾巢而出，都未必可以一兩次搞掂啦，而且，豹子頭嗰邊，始終「强詞奪理」，又有叔父輩（鋒叔）在場做証人。白卓間公司，見人哋細細地封返一封老毛，耍個冧，話認錯人，見攞到個彩，就唔想再幫白卓。
咁大單嘢，當然好快就傳到伍梅同白琴。
伍梅知道，怒不可遏，當下就逐伍花出門，唔想佢有辱門聲，當然，更因為伍花誓要跟隨白卓，情願蒙上不孝之名，都唔可以失去白卓嘅愛。。因為，失去白卓，於伍花嚟講，比失去生命更重要，呢個男人，佢跟定喇。
白琴呢？
哈，佢當然跟伍梅唱反調喇，梅棄琴取，況且，女人貞節，白琴視之如糞土，伍花「以一敵百」，白琴眼裡，係欣賞嘅。
再加上始終係因為自己個仔，叫伍花犯上「麻煩」，所以，非常支持呢對男女，仲畀佢即時成親，入歸白家門下。連白家「口技」都傳埋畀伍花。
而至於兒子，
「媽，我一定要為亞花，做返啲嘢。」
白琴，「我知道，你亦應該。」
白卓，「但係。。」
白琴，「你間契弟公司唔撚鳩㭍西肯幫你出頭吖嘛。」
白卓，「公司話，已經搞掂哂，出咗頭，我哋贏咗，可以收手。」
白琴，「咁，你想點，媽子一定撐你。。我要出面所有人知道，我白琴，雖然唔撚鳩柒西係乜撚屌臭化西掌門，但係，都唔撚柒鳩係好蝦㗎。」
白卓面上，出現一股深寒，堅決，
「我想隊冧哂班冚家鏟。」
哈，而白琴見到自己個仔咁撚「恐怖」，竟然仲誇獎，
「好，有大志。。我知道邊一個人可以幫到你。」
白琴無驚訝，白卓驚訝呢，
「一個人？。。就可以幫我隊冧十両友？。。成百人？」
白琴眼眉向上一揚，
「無錯，有一個人可以幫到你。。相信，亦惟有佢，先至可以幫到你。」
白琴到化妝枱櫃上，打開一個音樂盒，一個塑膠巴蕾舞公仔，就好似見到白琴嘅賓周一樣，即時彈起，傳來叮叮音樂聲，係 Carpenters 嘅歌，首歌有詞㗎，
「 Why do birds suddenly appear
Every time you are near?
Just like me，they want to be
Close to you
Why do stars fall down from the sky
Every time you walk by?
Just like me，they want to be
Close to you」
白琴攞開盒裏面嘅鳩「粒」，喺個底層暗格，攞出一張「閃咭」！
白卓接過，首先見到英文嘅一邊，上面有兩個字，
「Skywalker Fuck」！！
No comments:
Post a Comment