.
.
.
.白卓，少年因老母霸權之下（白琴把口咁「辣」，連老公都可以揀番姓「白」，就知佢「霸」啦），所以心有不甘，唔想好似老豆咁懦弱，為表「男兒氣慨」，咪。。。去做「古惑仔」囉。
（而靚女就係偏偏愛 bad boys，「天若有情」都有戲睇啦，仲續集埋）
世上其實大致上有兩種人，强者，弱者。
强者遇强越强，自强不息。
弱者遇强現弱，失敗必然。
當然，强者亦有失敗時候，但點樣去面對失敗，就係强弱之分水界啊。
弱者亦會有運，屎忽撞棍，一朝得志，語無論次，但骨子裏頭，仍然係一劈屎。
不過即使宇宙最强，嘻，都只係話「我要打十個」咋，咁，白卓呢鑊即使再强，亦都只有畀人蝦。（爛 gag。。白灼蝦，嘻）
唔好以為做「古惑仔」，就隨便可以去人哋「環頭」睇「午夜場」先得㗎，特別係人哋當晚搞緊「試貨大會」，有班「北姑」剛剛好「南下」，又遇啱有班新紮「大底」上位。
男英女美，咪一齊「搞搞佢」，喺「油麻地戲院」，真人 show 又好，慶祝上位又好，招新門生又好（歡迎同吸引未參加嘅新「會員」），所以當晚美女，馬夫，新面孔，各樣皆有。
不過，都係來自同一「公司」，而白卓就戇居居，帶咗伍花入塲，門口以為佢係「新人」，帶住件咁正嘅「新貨」，當然任得佢哋入啦。
當後無耐，白卓開始「聞」到勢色唔對，諗著低調離開。
呵呵呵，「江湖」，上次小馬咪問，有乜「秩序」嘅，亦即係規矩，係咪？
Well，其中一條，就係，
「哈，你想走？。。冇咁易。」
「一入「豪」門深似海呀！」
仲有啲乜嘢「人在江湖，身不由己」呀咁。
所以，正當白卓拖住伍花想靜靜鬆人時（話明係宇宙最靚的花，梗係成幾十對眼𥄫實啦），不過出聲嘅，只有一個，因為話到底白卓都幾高大威猛，唔係一般四九o靚仔夠膽走去惹。
夠 pop 叫停佢嘅，當然都唔係流㗎啦，就係當日新紮大底之一，嗰期最紅新人王，仲有個好勁抽嘅外號。。。
水滸傳。。邊撚個最撚好抽吖？
八十萬禁軍教頭，「豹子頭。林冲」呀！
係呀，一撚樣呀，惡呀哩。
雖然唔係真係乜軍炮兵教頭，不過全戲院最撚好抽，都應該係佢喇，豹子頭一句，
「呢位英雄，請留步。」
白卓見到，豹子頭嘅「台型」，已經知道對方有料到，所以，即時使出另一條「江湖規矩」，「好漢不吃眼前虧」，好有禮貌咁回答，
「呢位大佬，對唔住，我哋嚟錯地方，依家就走㗎喇，打攪哂。」
哈，又一條「江湖規矩」：「唔好亂認大佬」呀。。小心。。因為，
「哈，細佬，你絕對無嚟錯地方，我今日榮升大底，正準備大展「洪」圖，收多啲o靚，你叫得我做大佬，仲帶件咁正嘅「北妹」嚟「試貨」，有誠意。。好，我豹子頭就收你。。
兄弟們，大家準備好未？」
一呼，百應。
依家全部人都望住呢場「大龍鳳」喇，二人情況不妙。
白卓知道大禍臨頭，不過，都知道只要冷靜，都可能仲有得救，因為話哂自己都唔係 kind 子，都有間「公司」射住，
「呢位豹哥，誤會喇，我同條女嚟睇戲，入錯嚟，唔知貴公司今晩喺度「開會」，我已經係另一間公司嘅「職員」嚟㗎喇，我哋依家就走，唔再打攪你哋開會。」
豹子頭，
「哼！屌.你老母，你條撚樣，依家你耍我呀，你知唔知乜撚嘢叫「江湖規矩」呀？自己有「字頭」，仲走嚟認我做「大佬」？
好，我咪幫你「轉公司」囉，依家話收你，你又話唔肯，咁即係玩撚鳩我啫？
踩我哋場，仲搬自己「公司」出嚟撻我哋？
哈，你想走？。。冇咁易。
（睇，話咗有呢句㗎啦）」
豹子頭滿口「歪理」，要白卓留下，有「道理」嗎？
「江湖」秩序，拳頭，能令「歪理」成為「道理」。
其實，呢個「秩序」，唔止「江湖」呢。
歷史書，都係由戰勝國家寫㗎。
No comments:
Post a Comment