Ouch....頭好痛。
Ouch....屎忽又好痛。
唔知使唔使搵我個女醫生check o下我個pat pat添呀，不過，第一個要搵嘅，當然又係可儀啦。
點知，呢次連「留言」都冇，應該連線都割埋添，迫於無奈之下....搵李生，佢亞哥？....唔得唔得。都係搵李太啦.....同佢熟啲，點知佢開緊工，兩嘢收咗我缐。
出道而嚟，雖然唔可以講「百戰百勝」（起碼琴晚同Chanel唔係先啦），但好多時都起碼「大步䌫過」（淨係炮哥都兩鑊），不過可儀嘅情況，真係無從著手，有問題都話可以有解決方法吖，不過，依家連人都消失.......唉。
係時候探o下師傅喇......。
依.....咪著.....頭先嗰個 idea 唔錯喎，搵個靚女醫生同我睇o下個 pat，應該幾好玩，有得諗，有得諗......不過呢刻要搵師傅先。
（告白 : 賤男性事䤸 之 「診所風雲」，將會響「義嫂」到 50 集時推出，到時請各位熟客，多多捧場。）
=======================
比個電話師傅之後就過去探佢。
”雲，乜咁好嚟探o下師傅呀？”
”係呀，師傅.....帶咗啲茶嚟沖比你飮呀....。”
”係咩，師傅知你嚟，又沖定茶，大家一齊品o下，我沖緊「功夫茶」....你帶咗乜茶黎呀？”
”哦，Lipton 紅茶，一盒，一百包裝。”
”Lipton 好吖，夠方便，不過我啲差唔多得囉，飲我啲啦，留番你啲朝頭早飲，好唔好？”
由細到大師傅都比到我一種感覺，就係無論天要跌落嚟，只要佢響度，都會叫人安心，唔使驚。
師傅永遠都叫人好「舒服」，所以即使我知佢未必能幫我解決可儀嘅問題，但我真正需要嘅，係呢份「平靜，安心，舒服」，
”係呢師傅，雯雯呢？”
”呢個丫頭？.....哈，佢一知你嚟，就雞咁腳出咗街啦。”
”......係呀？唔怪得我次次嚟到都見佢唔到啦....都有好幾年....佢依家都好大個喇，係咪呀？拍拖未呀？”
”哈，咁又唔清楚喎....不過都好似成日聽到佢同一個叫「文迪」嘅人傾電話嘅，問佢係邊個啦？......傻女又話唔重要，過路嘅啫。”
過路人「文迪」？屌鳩你吖，走嚟溝我小師妹？你最好「試試正正」「企企理理」唔好出我小師妹古惑，如果唔係，「濕」鳩你條撚樣化西一劑呀。
”做乜呀...雲？放心啦，雯雯佢大個女，知自己做乜架喇，我呢個做老竇嘅都未擔心，你呢位「哥哥」都唔使擔心。”
但雯雯.....呢幾年，都一直避開我呢位「哥哥」，點解啊，雯雯？
No comments:
Post a Comment