”喂，馬生？亞明呀，冇，通知聲你我番到啫.......一切搞掂晒喇?.......好...好...好，我就今晚交比炮哥，真係唔該晒，呢次真係多謝你，唔知今晚馬生得唔得閒，想請你飲杯嘢？”
呢堆就係李生嘅廢話，不過我都應成咗佢，
”好呀，不過搵噠地方多女睇啲嗰喎。”
再過多個鐘到，電話響起「有你與我同行，共我創造命運...」
Rachael lift 度首歌我用咗黎做可儀嘅鈴聲，
”喂？我最心愛嘅大肚婆，我同你唔通真係心有靈犀，我啱啱想起你，你電話就黎。”
”吓...乜你原來咁口花架，我信你先奇呀，哈哈。”
哈，男人對女人講情話，唔係要佢哋信，係要佢哋聽得開心。
對女人講真心話嘅男人，通常只有一句回應，「我當你好似亞哥咁架咋，不如我認你做契哥吖。」做女人嘅契哥其實最契弟，得個做字，冇得食，死位。
”冇呀....我睇吓你做緊乜嘢之嘛？”
嗱，呢句深噢囉，我其實可以响「城大」夜校開番堂語言學問，淨係呢句，都可以講兩堂呀。
由初相識時，非常冧嘅代表我掛著你，到你已經係我由管嘅，我鐵腕已經掌握著你嘅春袋，都係用同一句，「你做緊乜嘢呀？」
”我真係呢刻就諗緊你架，我諗緊上次你話大家一齊改英文名，都唔知幾時先有機會再見你，想比電話你，又驚你唔方便。”
其實我亦知佢忙著睇李太啲細路，不過佢聽到我咁講，梗係照單全收啦。
”.....嘻，好啦，信你喇，....唔，咁唔知你聽日有冇時間吖？”
”有，如果你又想賣嘢，我幫你攞吖。”
”你咁叻嘅，你又知我要賣嘢嘅？”
屌，住家女人有幾多招吖，
”話咗我哋心有靈犀，原來真係。”
”咁啦，你幫我抽嘢，我請你食飯啦，好唔好？”
”當然好啦，不過食乜飯先？”
”你鐘意食乜我咪煮乜囉。”
哦，原來想我上樓，係喎，啲細路都返晒李太度，Rachael 聽日又有鬼妹仔個P，老公就唔知，不過叫得我上去，梗係唔响度啦，可儀呢次仲唔中門大開比我入咩，衰女包都幾識把握機會。
吹吓水又唔知過咗幾耐，不過算啦，開心事黎嘅，反為唔知李生一陣搵我做乜。
=======================
李生交錢比炮哥之後番黎同我响老尖飲嘢，好快已經唔記得第幾Round，唔知係咪條友仔當咗我係偶像，定負導員，開頭就猛問我有乜路數搵錢，飲多兩杯就開始爆自己身世出黎。
又話老竇幾威，兩個老婆，又有生意，細個嗰時考第幾。
屌，虎父犬兒，同你改個名做李健明，雖然係平庸啲，不過你條撚樣又唔强健，又唔聰明，仲軟弱到七彩，老竇雖然架勢過，但有時都仲要睇埋時勢，「沙士」輸咗個女，海嘯輸身家，林尾香。
唔知係咪做咗襟兄弟，佢當咗我係真兄弟，定佢想扮兄弟，以為我唔會迫佢還錢迫得咁緊，又有可能條貴利數搞掂咗，終於可以鬆啖氣，所以條友仔慶志撥撥係咁飲。
已經九成醉意嘅李生，”亞...雲哥，你真係好掂，有樓收租，一call水，就要幾多，有幾多，你...真係...好...掂，連...連人哋...老婆都...上到，好...犀..利，我...要學你...我要搵好多錢...我要...上人哋..個...老婆。”
”你知唔知呀...? 我...我呀，睇..睇著我...深愛嘅人..結婚...結婚架。 係..係我鐘意佢先...架。”
嘩，屌，睇著深愛嘅人結婚，我都起碼兩次喇，呢度香港，呢種情形晚晚擺酒都有架喇，除非你好似「許文强」咁勇，人哋講緊「我願意」時去踢塲啫，不過呢啲飲醉嘅人佢有佢講，我有我飲嘢睇女，好彩頭先已經叫佢攞定錢抓數，唔係一陣廢事扲佢褲袋呀。
”佢十六歲我...就識佢，係我識...佢先架,....我就凈係...鐘意佢...不過...佢要嫁人。
好叻咩.......我都有女人.....我都識....結婚......我好掛著你呀.........可儀。”
===============================================================
李生酒後吐心聲，心裡真愛竟然係......自己個妹，
大肚妹，可儀？！
話咗呢個世界，變態男人唔止我一個架喇。
No comments:
Post a Comment