首先係多謝咁多讀友比面支持咗咁耐，話快唔快五十集有多，差不多兩個月日子，我每日都貼「賤男」，可能有啲讀友都呷著個區等睇，見到呢啲，係小弟及寫文人嘅感激同支持。
過程亦有人出黎「反映」個人意見，不過事後大家一齊進步，依家連個塲都旺埋，反面事態，正面對治，後果係大家得益，不失為好事。
「賤男」當然未完，我只想响鬼妹仔生日Party 呢個大環節（暫時）結束，不過呢點係第一次出作品時情況。
呢次再貼，我加多咗幾集全新作結尾，引帶出其他Part嘅人物同去向。為保「原作」味道，「後記」依家貼出，之後七集，係用嚟替呢一輯結尾，同將來舖路。
所以嚟緊七集係近期全新寫出，筆路可能有多少出入，不經不覺，係三年之隔接筆，希望仍然貼得住舊文。
再次重覆「賤男」未完，我已經有故事發展大綱同安排，多謝各位，寶貴支持，意見分享。
另一輯見。
*** （後後記）
各位城大文系同學，
（係文系，唔係聞西呀）
呢區話晒都叫文學交流，咸故又睇完喇，交畢業撚文啦唔該。
如果邊位同學睇完後有如此睇會：
李太--- 馬如雲嘅第一對手，開始為租客時對佢有好感，求愛不瑞，因愛成恨，對佢作出種種變態行為，二人期後在雙方身上，得到好處，「日久生情」，亦可代表馬如雲「慾」一方面嘅反映，當然慾中亦生愛意。
可儀---馬如雲一見鍾情者，完全係「愛」嘅反映，但愛得並不易，理性不能接受去愛一個大肚婆，但感情卻冇法停落黎，唯有見步行步，「愛」當中當然也有慾嘅存在啦，但都係以愛主道。
鬼妹仔---代表性幻想，道德觀念上可以接受嘅可行性幻想。
Rachael --- 都係代表性幻想，不過係道徳觀念上，不可行嘅性幻想，即使盡力將傳統道德放開，仍然會去搵其它理由藉口，去阻止自己去行，其實最尾都係放唔開道德枷鎖。
李生---另一個愛卻不能嘅悲劇，唔肯面對現實，執著過往，搞到不見眼前家庭幸福。
馬如雲---交纏於愛與慾中，表面睇黎掌握生活一切，其實今日唔知聽日事，為現實為活放棄夢想，唯獨夜半無人失眠在牀上，內心才出來，日頭側用身邊事將其收起，因為唔想面對，原因內心都係一個唔知要飄到幾時嘅悲劇，劇名-- 「如雲無定」＜==62集完
再記「慾」與「情」，已提於「風故人來」，「慾」使生命然續，產生下一代，使人類不停生長。「情」則比生命有意義意思，
不過一但掌握不好，失去平均，生命就成為兩者嘅奴隸。
正如馬如雲曾說，佢係自己 「心」 同 「撚」 嘅奴隸，亦即是 「情」 同 「慾」 嘅奴隸一樣。
估到幾多，大家自己比分，一啲都睇唔到，都睇得咁開心嘅，恭喜你，你有一個開心嘅內心世界。
No comments:
Post a Comment