喺依段臨大考嘅時間，我人生好迷茫。
因為我已經哂咗半年時間落游樂兒到，冇咗一半時間溫書我就注定仆硬街，所以我把心一橫，今年決
定唔考住，但係因為已經交咗錢聯招，所以我唯有都係要溫書......搏下入唔入到。
天啊！個到大拿拿成錢幾銀，我入唔到咪好蝕......又哂屋企人錢。
喺依個時候，我收到手機訊息。
游樂兒：「你...有冇事，聽你家姐講...你之前唔返學...」
一開頭我見到依個信訊真係有啲火滾，直接已讀不回佢......
但係後嚟，我唔點解自己都係壓制唔到見游樂兒嘅慾望......
佢嘅髮膚、體香、聲音，一切一切都印住咗入我個腦，就似係毒品一樣令我上癮。
理性話俾我知，應該拒絕同依個女人來往。
因為我哋當初喺屋企嘅相遇，佢引誘我嘅場面......都係一場錯誤。
就算佢依家搵我...
都只不過係良心責備呱？
不過人類就係錯完又錯，犯錯之後又犯錯。
我好憎佢，但係......我都好掛住佢。
我討厭每一個寂寞、寂靜、寂寥嘅晚上。
曾經每一晚，佢身體嘅餘溫都會圍繞住我身體。
但你依一刻，除咗冰凍，就再無任何感覺。
我知道自己幼稚，明知游樂兒有男朋友都要同佢搞到咁，搞到自己沉咗入一個無底旋渦中。
但係...
到咗佢真真正正離開我嘅時候，我先明白到佢嘅重要性。
盡管小彤幾好，對我幾關心，都總係好似比唔上樂兒。
雖然安全感係女仔專利，但係我都要不要面咁講一句......
同游樂兒一齊，我好有安全感。
李宗基(神)：「我已經...我今日有返學。」
游樂兒(家姐)：「嗯...」
收到依一句之後，我就慢慢...慢慢...熄咗部手機，合埋眼訓覺。
到咗翌日，我放學返屋企一開門個陣......就見到游樂兒坐咗喺梳化。
我同佢四目相交期間，彷彿有好多嘢要講。
但係都已經講唔出口。
「返嚟啦...？」有血緣關係個位家姐轉身問我。
我點一點頭，然後黯淡咁入番房。
然後我每一次行出去廚房飲水、行去廁所個陣，都會同游樂兒不經意望住對方，望到個一刻又即刻當
望第二啲嘢。
每一次嘅相視，都令我諗番起喺床上面雙眼同佢近距離嘅接觸。
個種心跳震撼，就好似要我......要我記住游樂兒依女仔，一生一世咁。
已經再唔係當初嘅刺激，而係一種永遠...好遠......嘅愛。
大概我就算每一晚聽李宗盛，我都無法忘記依一段短暫嘅歷史。
我知道自己放手嘅話，以後或者會更自由。
但係每每望住游樂兒內疚嘅雙眼，喺鏡望住自己蒼頹嘅雙目，我就知道自己......係永遠無可能放得低
佢。
就算得唔到佢，喺心入面都會留個位置俾佢。
喺二月嘅某一日，家姐因為要落去順豐拎啲嘢，所以屋企又再得番我哋兩個。
「樂兒，我落去順豐拎一拎啲嘢啊！」家姐入房對我講：「喂，我落一落去。」
然後，佢就離開咗，而間屋又再度得番我哋兩個。
不過，今次已經再無雙格床嘅搖晃聲、再無濕吻嘅接合聲、再無磨擦嘅聲音，反而有嘅就只有寂靜。
所以我就打算自己都落街算數，打波又好、跑步又好，總之......唔喺依到就得。
點知我一開房門嘅時候，同時見到亦都想離開屋嘅游樂兒。
「.......」佢望住良久未能發言。
「...」我望住佢，都講唔出啲咩。
原本只係肉體上互相給予安慰嘅對像，但係一旦有超越關係嘅心態......就只會淨低悲傷。
「飲唔飲杯奶茶...我沖杯俾你...」我唯一覺得自己可以講嘅嘢。
「...唔。」佢點頭，然後返埋去梳化坐。
之後我就行入去廚房開始調沖奶茶，一杯苦澀嘅奶茶。
沖好之後，我放低杯奶茶喺佢面前。
窗外嘅陽光隱約地照射住游樂兒一半嘅清秀臉孔，佢抬起頭嚟拎起杯奶茶飲咗一啖。
「我下個月...會去外國搵我男朋友。」她說。
「嗯。」我無任何表情。
「好多謝你...喺我唔開心嘅時候...係我身邊...陪住我......」
「我都多謝你...」我望住地板：「令我有過咁嘅一段初戀。」
「嗯...」
我哋都知道，我哋嘅關係，係無可能維持落去......就算以朋友身份都無可能。
因為大家都係雙方嘅過路人。
「得閒喺街撞到嘅...咪喺條街Say聲hi，然後講句...再見。」我說：「你...英文名叫咩？」
「好...我英文名叫Angel...」
我雙手搭住佢膊頭，揚起嘴角、淺淡而笑：「Angel，游樂兒......只要你每日一有煩惱，唔開心...就試
下飲杯奶茶，成個人會開心啲。」
而依一句，亦係我苦惱咁耐、反思咁耐得出嚟......最後最想同佢講嘅嘢。
冇錯，係好簡單。
因為...我已經唔想再作任何挽留，或者大哭大罵，好歹我都係個男人。
就即管放手，俾自己心愛嘅女人搵番自己嘅幸福。
但係我冇你哋諗得咁偉大，只係......我認為依個先係最好嘅結局。
「快啲趁熱，飲埋杯奶茶佢。」我企番起身，指住杯嘢：「會精神啲。」
游樂兒凝望住我，係一種久違嘅目光......
我就咁樣轉身，入番個一嗰永遠屬於我嘅房間。
而你，就繼續係大廳嘅訪客.....唔應該再入屋主嘅客房。
唔應該再發生...依段糾纏不清嘅因緣。
【結局篇】
【結局篇】
我晚上喺張床到，一直諗咗好多嘢。
而個一晚，游樂兒都默不作聲咁開門離開，冇再發生同一個錯誤。
我依家訓緊嘅枕頭，都仲好似殘存住佢髮香薰衣草嘅味道...
每一下肌膚之親，投入個種心跳......都微弱咁跳動著。
雖然我同游樂兒可能唔會再相見，但係佢依一個名，我會永遠都記住。
喺依座大城市上，悲情嘅都市，可能每一日所有人都帶住一個冰冷、毫無感情嘅面具做人。
大家經過對方，都唔會有任何一絲表情。
但係如果可以喺密密麻麻嘅都市之中，搵到自己最鐘意嘅人，喺細小嘅房間之中一齊肉體交歡，互相
都投入個一刻嘅世界......
咁喺依個悲情嘅城市上，都尚有一口空間可以俾我哋喘氣。
每日急忙嘅一切，喺個一刻都停落嚟。
任由汗水、激情、愉快去釀造出深愛。
妳一定要記住每晚陪你喺枕邊個一嗰人，你哋係喺依個世界互相依靠住嘅人。
我合埋雙眼，安然地閉目入睡。
最後一次同你講晚安......
游樂兒。
學校好快就Study
leave，我都收拾心情去溫習功課。雖然大學就一定入唔到，不過努力過，都可以重讀一年搏下年會
入到。
我就好似變番一個平凡嘅高中生咁，每一朝買杯熱奶茶番學飲、上堂、小息打下波、放學之後留喺學
校溫書，一切變得平淡。
搞到前一段日子，都好似係發咗一場夢咁。
「喂~李宗基。」林小彤走到我隔離：「依條數點做啊？」
「搵佢AB條邊先，再證明。」我答。
「唔...」林小彤點點頭：「好，咁...依條呢？」
(573.2625925x2)^(2)......
「唔識喎。」我望番自己張工作紙。
「好啦。」林小彤苦笑，坐番去我前面座位到。
到咗考Dse嘅日子，我帶住半個月嘅努力進入考場，識做幾多就做幾多，不過其實我都預計到自己會
失敗。
每一次考完之後，我都會伏喺桌上望住窗外嘅天空......
游樂兒，應該已經搵番自己嘅男朋友，過番應該有嘅生活......原本嘅生活。
到派成績個陣，我雖然每一科都合格，附合入大學資格，但係始終唔夠人爭，所以始終都係要重讀一
年。
而小彤，佢就入咗浸大嘅導演系。
依個叻女，我一早就估到佢得。
放榜個一日放學之後，我同佢留咗喺小食部。
「話咗你得架啦，請你飲。」我買咗杯熱奶茶俾小彤。
「多謝。」佢接住杯奶茶，飲咗一細啖，但係大頭蝦嘅佢嘴唇上面蘸上咗一啲奶茶污跡。
我喺褲袋拎起包紙巾，再幫佢抹一抹個嘴。
「...唔該。」小彤說。
「唔洗。」
有人話，我同林小彤真係好似一對，如果喺一齊嘅話一定係超夾，仿如一對神仙伴侶。
但係人唔可以欺騙自己，就算我可以欺騙到林小彤，我都欺騙唔到自己內心有個游樂兒。
如果冇游樂兒嘅出現，或者........哪怕當天我冇受到佢嘅誘引，可能一切都唔同。
但係一切已經發生，所以再後悔都無用。
就當係，一次人生嘅經歷.......
就算痛，都痛得甘心。
小彤入咗浸大之後，我就繼續自己中六重讀嘅新學期。唔同嘅係，今次再無邪教朱每日喺班房唸佛經
，無陳痴漢每日撩我去打波，仲諗緊可以專心咁讀書......
點知，我隔離就坐著一個任何話題都百搭嘅肥仔，佢叫阿津。
「留班生總會有啲故事喎。」佢望住我，好奇咁問：「日日見你飲奶茶，係咪有咩故事咁啊？」
「邊有~」我笑一笑，佢份人係幾nice。
「放學一唔一齊去食飯啊？」
「唔啦，我家姐今日生日。」我答。
「你有家姐嫁！？」佢好激動咁問我。
「係啊...」
「屌...你就好啦......」
「做咩？」
「我得個妹渣...」
「咪好囉，通常阿妹幾得意可愛啊？」
「唔同嫁，你接觸過MK妹就知咩料，你有家姐緊係咁講喇！又體貼、又細心、又會照顧你......諗起都
正。」阿津十分激動。
「我家姐同你幻想唔同架~」我淺笑：「公廁嚟嘅。」
「我個妹都......算。」
不過多得佢，我重讀依一年先至唔會話一個朋友都冇。
依個一日放學，我返到屋企就開始清走一啲嘢......過去游樂兒送俾我嘅嘢。
所有嘅零食、手繩仲有一齊嘅所有合照，通通都放落垃圾桶清走哂。而手機上所有嘅閃卡同影片、仲
有我同游樂兒嘅曖昧對話記錄，我都狠下心一一清除哂。
曾經我有諗過，留喺到都冇壞。
但係我知道，留喺到嘅話......就係俾緊自己一個籍口。
因為我哋依段關係，就算做番朋友都係一件無可能嘅事。
有些人，成為了自己一輩子的遺憾。
只能告誡自己，不能再重蹈覆轍。
我哋學校向來有個習慣，就係以廉價價錢請上年入咗大學嘅同學番嚟幫人補習，依林小彤當然係其中
一個，估唔到佢竟然會成為我嘅姐姐。
「李宗基Oppa。」佢幾時都咁清新，今日著住一件淺藍薄外套配白色印字T-shirt再加條短褲。
而且佢一著便服，感覺上就無再好似以前著校服咁細路，成個感覺大人咗，一個大細路。
有啲女仔就係咁，就算著到點、化裝化到點，都係會有股細路嘅稚氣存在。
「學校一個鐘俾幾多人工你啊？」我笑住問。
「唉~你又係咁啦，話題離不開錢。」
「咁......有冇識到新男朋友啊？」上到大學，林小彤依種女仔應該好多仔望住。
「冇...啊。」佢喺我面前竟然怕羞喎。
「快啲搵個啦，傻女。」
「傻你個頭！」佢拍我個頭一下，然後秒速拎起我枝筆指住我：「唱一次《傻女》俾我聽！」
「這夜我又再獨對夜半無人的空氣～」
「哈哈哈哈哈哈~」佢又露自己排小牙齒低頭咁笑。
後來小彤都繼續保持同我聯絡，不過我又冇乜刻意想追求佢，佢又有自己圈子，所以佢到最後都喺大
學識咗個男朋友。
變咗成日會講自己同男朋友啲嘢俾我聽，我唔知佢同我講咁多做咩，因為正常冇一個男仔鐘意自己女
朋友密密同第二個男仔傾手機。
所以......我都開始決定唔太點樣理會小彤。
佢都唔可以再依靠我，感情嘅事......要佢自己搞掂。
但係直到我臨考Dse個一晚，小彤突然間打過嚟喊住同我講問可唔可以陪佢一陣，佢話坐咗喺我樓下
，咁我當然知道，佢又情傷。
佢依啲純情小女孩，一戀愛就係咁。
因為咁大個女都冇經歷過戀愛，所以個男朋友有咩問題、有微小動作、不足，都會好訝異，好驚。
所以如果個男朋友俾唔到安全感佢嘅話，佢真係會好驚。
而所為嘅安全感，講到尾咪又係......佢喺你心目中佔嘅份量係幾多。
個一晚，我落咗去公園，見到雙眼通紅嘅小彤坐咗喺椅上等我，我就拎一早喺屋企沖定杯熱奶茶俾佢
飲。
「請你飲。」我微笑，坐咗佢隔離。
「你真係好......」小彤說：「點解...點解佢一啲都唔似你......」
「你男朋友唔好咩...？」
「唔係依個問題...佢對我好好...但係都好似有目的咁......有一次佢嚟咗我宿舍間房，無啦啦摸我背脊...
我個陣好驚，即刻捉住佢隻手叫佢唔好，我咪發佢脾氣之後跑走咗囉......」
「喔...男人諗起依啲都正常...」
「但係你唔係喎，你從來都冇對我做過依啲事......」
「傻女...出面好險惡嫁嘛。」我摸摸佢個頭。
「佢喺whatsapps不斷質問我...問點解連情侶摸下都唔得囉......但係我真係接受唔到...」小彤擦一擦眼
睛。
「你當初點解同佢一齊...？」我問。
「佢一開始唔係咁嫁，佢又好笑、好開朗...我都估唔到佢係啲咁嘅人。」
「飲完杯奶茶之後，精精神神咁返去訓。唔好再喊啦，喊再又唔靚女，嗱......」我拎出之前一直想送
俾小彤嘅HelloKitty公仔俾佢，正好派上用場：「送俾你。」
「......」小彤望住我，再望一望公仔個價錢牌：「咁...咁貴你都肯買？」
「咩啊...我唔買得貴嘢架咩~」我輕笑。
「哈...唔。」小彤轉淚為笑，點點頭稱道。
做好人就做全套，所以我就順便送埋佢返宿舍，冇理由要佢一個女仔夜媽媽返去。返到佢宿舍間房之
後，我入咗去望一望，順便期待明年入大學嘅環境。
而小彤亦都搵咗張椅子俾我坐，佢自己就咗喺床上同我傾計，一直傾到凌晨。大概凌晨三、四點個陣
佢已經開始打呵欠，個人好似好攰咁。
最後，佢就成個人攤咗喺張床上。
就喺我幫佢關熄燈，諗住離開個陣......小彤佢捉住我隻手。
「......唔好走。」佢依句，係我聽過佢講得最肯定、聲線最成熟嘅一句說話。
「做咩...」我問。
其實...我都知道會係咩......
「陪...陪住我。」可能因為係喺漆黑之中，佢先夠膽講出依啲嘢。
「咳......小彤，你早啲休息。」我說。
「我...未俾過任何人...宗基你......你可以做我第一個。」
聽完依一句之後，有一瞬間我個心真係融咗。
試問可以留塊處女膜上大學嘅人可以有幾多。
一個咁大好嘅女仔喺你面前，李宗基你唔係唔食啊？
我個心掙扎咗好耐，而小彤捉住我個隻亦越捉越實......
林小彤，你到底係咪做咗墮落凡間的天使......
就喺我猶豫不決個陣，我突然間......
諗起一個女仔。
一個...
我識嘅時間好短...
但係好愛嘅女仔。
佢嘅修瘦身影、清秀嘅臉孔、烏黑嘅秀髮同埋獨特嘅薰衣草體香，喺我腦裡面嘅畫面中出現，然後佢
轉身對我體貼咁甜笑。
嗯...
「小彤。」我開番燈，凝望住佢雙眼：「我依個人唔值得你去咁做，你應該留俾一個......真正愛你嘅
人。」
「...」小彤望住我。
「世界上，有更多俾我好嘅男人，你要好好珍惜自己，知唔知？佢唔需要為咗佢地，而改變自己。」
「...」小彤點頭，好似感動到要流眼淚咁。
我撫慰佢個頭之後，就幫佢蓋被熄燈、離開。
「李宗基！」我離開之前，小彤叫住我。
「我每次一失落你都請奶茶我飲，我都介紹你聽一首歌啊！我每一次一失落都會聽嫁。」
「咩歌？」
「《明年今日》。」
我行返屋企個陣，我一路聽住小彤介紹我嘅《明年今日》。
明年今日，我又會否與現在一樣？
明年今日，你又會否搵到自己嘅幸福，李宗基。
如無意外，我最後入咗城大。
聽家姐無聊講起，原來以前游樂兒姐姐都係讀城大。
結果，我一直聽住依首歌，經歷住一年又一年，我都仲未搵到我嘅幸福，一直去到八年後嘅一場婚禮
，我終於......遇番我嘅幸福。
......
「今日係李恩惠小姐嘅婚禮，各位來賓請就坐！」一位司儀講。
我望住站喺教堂前嘅一對新人，今日，係我家姐嘅婚禮。
依十年蒲夠扑夠嘅佢，終於都搵到一個月入七萬嘅IT毒撚埋單。
我好開心，開心嘅係：毒撚佢讀咁多年書，終於有得屌靚女。
替佢傷心嘅，係佢洞房嘅時候，要聽我家姐話自己自慰時整穿處女膜依個籍口。
今年嘅我已經廿六歲，計番樂兒姐姐，佢都應該已經三十一歲。
「首先，有請新娘細佬講兩句。」司儀請咗我上前。
我行上前，開始講自己準備咗好耐嘅演講辭，然後橫望在座嘅人......直到視線去到一點，我停咗落嚟
。
喺後排，企住一個著住黑色毛衣女人，佢頭髮變得有啲偏棕色，但係個副清秀嘅容貌都依然冇變到，
只係依家更添一種成熟嘅特質。
雙眼、眉目都同往昔一樣彎亮秀氣，就彷似月亮一樣。
「其實...我準備咗講辭好耐，不過依家有啲...緊張，一時間咩都講唔出。」我唔爭氣咁流出一滴眼淚
。
好多人可能會認為我見到家姐終於要要嫁，所以而喊。
但係，我真正喊嘅原因......就得我自己知道。
「有好多人...或者係你生命中嘅過客。」我收番淚水，繼續對台下嘅來賓講：「佢哋令到我哋成長...
令到我哋明白一啲事，可能你因為佢而受傷，而好嬲佢，嬲佢從此令佢再無辦法愛上第二個人。但係
我哋又有冇諗過，當你傷心嘅時候......其實佢...可能比你更傷心，佢可能想同你講出內心個一句輕狂
嘅說話，同你講就算全世界反對，都要同你喺一齊......但係到最終，我哋會發現，現實始終係現實，
不過，因為妳，我終於都經歷一切、感受到一切......學陳奕迅首《明年今日》講，餘生都不會再悲哀
，多謝。」
我落番台之後有啲感觸，但係婚禮都如常進行。
到儀式結束，所有來賓互相傾計、祝福嘅時候，我行咗去出面拎淨餘一杯嘅熱奶茶嚟飲，咁啱又有個
細路企咗喺我後面，望住我杯奶茶。
「細路...你想飲啊？」我蹲低身問佢。
「唔...」佢點頭。
我微笑，俾咗杯奶茶佢。
又咁啱，好久不見嘅佢行咗出嚟。
細路一望到佢之後，就跑過去叫：「媽咪。」
佢望住我，我又望番佢......
依一刻，世界好似圍住我哋而轉咁。
「好耐無見。」她說。
「好耐無見。」我說。
...
「樂兒，你唔去祝福下你朋友？」依個時候，一個戴眼鏡、正氣凜然穿西裝嘅男人溫柔咁問佢。
「好啊，依家去啊。」佢甜笑再點頭。
一家三口好幸福嘅笑容。
然後佢步入教堂，祝福我家姐。
我就戴起耳機聽住《明年今日》，反向方離開教堂。
望住以成為人妻嘅佢，我終於明白到......原來愛一個人係咁簡單。
簡單到...
你望住佢笑，見到佢幸福，你就會覺得滿足、覺得開心。
我對你嘅感覺仲未完，你呢？
游樂兒。
No comments:
Post a Comment